رواية المغتربة العائدة الفصل الثاني 2 بقلم نشوي عادل
#المغتربة_العائدة البارت التانى
استقيظت نجلاء عند الفجر لتصلى فرضها وبعد ان انتهت توجهت لغرفة الطفلين للاطمئنان عليهم لتجد مالك نائم فى ثبات اما ادم فقد كان يرتجف ووجهه محمر وحرارته مرتفعة ولانها طبيبة اعطت له الدواء المناسب وظلت الى جانبه تقوم بعمل كمدات .... وعند الساعة 8 تحسن ادم وفتح عينيه ليجدها الى جانبه
ادم وهو يجلس: حضرتك لسه جنبى من ساعتها ليه منمتيش؟!
نجلاء: انت كنت حرارتك مرتفعة اوى يا حبيبى ازاى هيجيلى نوم وانت تعبان
ادم: اسف يا طنط انى تعبتك معايا
نجلاء: عيب تقول كده يا ادم تعبك راحة
تمر سنتين كاملتين ولم تتغير معاملة نجلاء لهما بل كان حبها واهتمامها يزيد وكأن الله وضع فى قلبها كل الرحمة اتجاههما لتعوضهما عن امهما .... هذه هى اول سنة لادم فى الثانوية وهى الليلة الاولى فى الامتحان كان قلقا جدا فذهب لغرفة ابيه واستأذن بالدخول ليجد نجلاء تقرأ بالمصحف جلس امامها ونظر اليها فابتسمت ووضعت يدها ع يده وتحدثت بدفء
نجلاء: خايف من الامتحان؟!
ادم: جدا حاسس انى اول مرة فى حياتى امتحن
نجلاء: لا مينفعش تخاف الثانوية مش بعبع مرعب بص انت شخص مغامر وبتحب التحديات اعتبرها تحدى وحط هدفك ادام عيونك واسعى ليه واعمل اللى عليك وسيب الباقى ع ربنا وتأكد مهما كان نتيجة مجهودك هنكون فخورين بيك
امسك ادم يدها وقبلها وقال: ادعيلى يا ماما
ما ان قال تلك الكلمة حتى ترقرت عين نجلاء بالدموع وكاد قلبها ينفجر من الفرحة واخيرا سمعت تلك الكلمة من ادم فاحتضنته بشدة وهو كذلك وقال: انا بحبك اوى وبحب بابا عشان جاب لينا ام تانية حنونة
لاحظ ادم وجود سلسلة حول رقبتها لم تفارقها ومكتوب عليها كتاليا فأخذه الفضول وقال: ممكن أسال حضرتك سؤال؟
نجلاء: طبعا
ادم: مين كتاليا اللى اسمها ع السلسة دى؟
ابتسمت نجلاء وقالت: دى بنتى
اتسعت عين ادم واندهش وقال: بنتك؟ طب وهى فين وليه مش جبتيها تعيش معانا؟!
نجلاء: لانها مش موجودة هنا هى فى روسيا مع باباها
ادم: روسيا! هو ابوها اخدها وسافر بعد ما اتطلقتوا؟
نجلاء: لا يا حبيبى باباها اصلا روسى
ادم: ايه ده بجد؟! انا مش فاهم حاجة اومال اتعرفتى عليه ازاى واتجوزتوا ازاى؟
نجلاء: بعد ما خلصت دراسة فى طب كان حلمى اكمل ماجستير ودكتوراه برة البلد فبابا وافق وسافرت روسيا ادرس هناك وفى الجامعة اتعرفت ع كنان والد بنتى وحبيته اوى هو مسلم فاتقدملى واتجوزنا اول سنة بينا كانت كويسة وبقيت حامل وكنت فرحانة اوى بعد كده ابتدت تظهر المشاكل لحد ما خانى وشوفت ده بعيني طلبت الطلاق ومكنتش اعرف انه هينتقم منى بالشكل ده؟
ادم: انتقام ايه؟!
نجلاء: انا كنت فى بلده هو وكمان عربية فرفع قضية لضم البنت وكسبها وقدم طعن بأنى غير مسؤلة وحرمنى حتى انى اشوفها ولو مرة واحدة فى السنة طبعا مكنتش اعرف اخبارها الا من حماتى هى كانت بتحبنى بس من يوم ما اتوفت مبقتش اعرف اى حاجة عنها
انهت كلامها بتنهيدة ودموع فاحتضنها ادم وقال: انا اسف انى سألتك وزعلتك
نجلاء: لا يا حبيبي انا اصلا مش بنسى ولا عمرى هنسى بس تعرف انا عمرى ما يئست وعندى امل كبير فى الله انى مسيرى هشوفها ويجمع الشمل تانى انا واثقة
ادم بابتسامة: ان شاء الله
بعد مرور سبع سنوات جاء ادم وهو فى تمام 23 عاما وهو يبدو ع وجهه الحزن فوقف الجميع امامه متفاجئا
منير: خير يا ادم فى ايه؟
ادم: للاسف يا بابا انا ........................
#يتبع
#بقلم_نشوه_عادل
